Аҧсны амедицинатә еилазаара еиҳарак аҳәса рыла ишьақәгылоуп,абар ҩышықәса ҵуеит дара акоронавирустә инфекциа иаҿагыланы иқәҧоижьҭе.Иҟоуп аҳақьымцәеи,амедиаҳәшьцәеи мызла ,ҧсшьарамшыда азона ҟаҧшь аҟны аус уны ауаа рыҧсқәа еиқәзырхоз,алабораториақәа рҟны ааҧсарада аус зуаз Пцр тестқәа рыҟаҵаразы.Иахьазы ареспублика ахәышәтәырҭақәа рҟны аус руеит зықьҩык инареиҳаны аҳәса.

Ҳаҭыр зқәу аҳәса,аҭыҧҳацәа!Гәык-ҧсыкала ишәзеиӷьасшьоит агәабзиара,аманшәалара,аныҳәатә гәалаҟара ,ишәызгәакьоу рыҧхарра шәыцзааит есымша!Шәыҧсҭазаараҟны ирацәазааит агәырӷьареи алахҿыхреи зцу амшқәа,ачымазаҩцәа маҷхо,ачымазара бааҧсқәа ҟамло.